"Harada qalacaq bu camaat?" | Mənzil qalmaqalı böyüyür, sakinləri küçədə qoyan kimdir? - Baku TV

Bir qrup sakin paytaxtın Suraxanı rayonu, Qaraçuxur qəsəbəsinin İlqar Musayev küçəsində yerləşən yeni çoxmənzilli binadan mənzil alaraq oraya köçüb. Lakin üç il sonra Rəşad adlı şəxs ortaya çıxaraq mənzillərin ona məxsus olduğunu iddia edib və sakinlərdən binanı boşaltmağı tələb edib.

“2023-cü ildə bu binadan iki mənzil almışam. Birini özüm, digərini isə qardaşım üçün. İndi iddia qaldıran Rəşadı bu üç il ərzində binada bir dəfə də görməmişik. Bizim tanıdığımız şəxs Orxan olub və alqı-satqını da onunla həyata keçirmişik. Orxana sənədləri isə buranın ilk sahibi olan Ələddin verib. Ələddin beş dəfə məhkəməyə gəlib, şəxsən iştirak edib və bildirib ki, torpağı və binanı Orxana satıb. Yalnız binanın yuxarı hissəsində yerləşən 16 kvadratmetrlik sahəni Rəşada satdığını deyib. O hər məhkəmə iclasında alqı-satqını Orxanla həyata keçirdiyini təkrarlayıb”, – sakinlərdən biri bildirib.

Başqa bir sakin isə deyib:

“İnsanlar bu mənzillərə pul veriblər, konfet kağızı yox. Rəşad həbs olunmalıdır. Bir aydan sonra insanları evlərindən çıxarsalar, onlar harada qalacaqlar?!”.