Pleyeri seçin:
"İsmətin ruhu artıq onlarla birlikdədir" | Qalıqları tapılan şəhid dəfn olundu
Birinci Qarabağ müharibəsində itkin düşmüş hesab olunan İsmət Piriyevin nəşinin qalıqları Göyçayın Çərəkə kəndinə gətirilərək ailəsinə təhvil verilib və şəhidlə vida mərasimi keçirilib.
Vida mərasimindən sonra İsmət Piriyevin nəşinin qalıqları kəndin Şəhidlər xiyabanında dəfn olunub.
“30 ildən çoxdur biz onun yolunu həsrətlə gözləyirdik. Demək olar ki, ümidimizi itirmişdik. Nəşinin tapılması xəbərini eşidəndə şoka düşdüm, hatta sevindim. Düşündüm ki, sanki İsmət sağdır, evinə qayıdır. Ata-anam bu günü görə bilmədilər. İndi onların ruhu şaddır”, – İ.Piriyevin qardaşı Cavid Piriyev şəhidlə vida mərasimində deyib.
Qeyd edək ki, İsmət Piriyev 1994-cü ilin yanvarın 7-də Füzulinin Əbdürrəhmanlı kəndi istiqamətində itkin düşüb və Beyləqan rayonundakı “Peyğəmbər” məzarlığında naməlum şəhid kimi dəfn edilib.
Kopyalandı
Seçilmişlər
