"Mən olmasam, giriftar qalacaq" | Uşaqlar valideyn qayğısından görün necə zərər görürlər - Baku TV

Həyatda ən dəyərli varlığımız övladlarımızdır. Əlimizdə olsa, bütün dünyanı onların ayaqları altına sərərik. Övladlarımızın əziyyət çəkməməsi üçün hər şeyi edirik, uşaqlıqdan gələcəklərini qurmağa çalışırıq. Lakin etdiyimiz bu məsum hərəkətlər əslində onların həyatını daha da çətinləşdirə bilərmiş.

İntellektual inkişaf və erkən uşaqlıq təhsili sahəsi üzrə ekspert Marina May bu fikirdədir.

Valideyn qayğısının həddindən artıq olması uşaqların komfort zonasdan çıxmasını çətinləşdirir. Onlar valideyn olmadan hərəkət etməyi, qərar verməyi bacarmırlar.

Baku TV-nin mövzu ilə əlaqədar paytaxt sakinləri arasında keçirdiyi sorğu zamanı vətəndaşlar da həddindən artıq valideyn qayğısının tərəfdarı olmadıqlarını bildiriblər.

“Uşağı bağçaya qoyursan, bilmirsən ki, nələr olacaq. Məktəbə gedir, yüz söz eşidir”, – deyən başqa bir sakin isə sözügedən fikirlə razı oldmadığını söyləyib.

Mütəxəssislər isə valideynlərə övladlarını kiçik yaşlardan sadə işlərə alışdırmağı, onlara bacara biləcəyi tapşırıqlar verməyi tövsiyə edirlər. Bu, uşaqların intellektual bacarıqlarını daha da inkişaf etdirir və həyata uyğunlaşmalarına kömək edir.