Rusiya-Ukrayna müharibəsində ölən və itkin düşən azərbaycanlıların sayı

Ukraynada genişmiqyaslı müharibə başladığı gündən indiyədək ölən, yaralanan və itkin düşən azərbaycanlıların sayı açıqlanıb.

Baku TV-nin Şərqi Avropa müxbirinin apardığı özəl araşdırma nəticəsində məlum olub ki, bu müddət ərzində 130 azərbaycanlı həlak olub, 100-ə yaxını yaralanıb. 70-a yaxın həmyerlimiz isə itkin düşüb.

İtkin düşənlərin əksəriyyəti Donetsk vilayətində, xüsusilə Mariupolda yaşayan soydaşlarımız arasındadır.

Qeyd edək ki, bu rəqəmlər büromuzun şəxsi araşdırmasının nəticələridir, rəsmi statistika deyil. Bu baxımdan rəqəmlər daha çox da ola bilər.