Saç tökülməsinin əsas səbəbi üzə çıxdı | Mütəxəssisdən xəbərdarlıq

Həkimlər yorğunluq, çəki artımı, dəri quruluğu, saç tökülməsi və estetik qüsurların səbəbini tapıblar.

Belə ki, qalxanvari vəz bu problemlərə gətirə bilər.

Tanınmış rusiyalı həkim Andrey İsayev bildirib ki, qalxanvari vəz orqanizmdə maddələr mübadiləsinin və enerjinin tənzimlənməsində mühüm rol oynayır.

Hipotiroidizm, yəni qalxanvari vəzin istehsal etdiyi hormonların səviyyəsinin azalması metabolizmin yavaşlamasına səbəb ola bilər. Bu isə yuxarıda sadalanan simptomlara gətirir.

Bundan əlavə, qalxanvari vəzin böyüməsi traxeya və qida borusunun ətraf toxumalarını sıxa bilər ki, bu da öz növbəsində tənəffüs və udma funksiyalarını çətinləşdirir. Mütəxəssis bildirib ki, qalxanvari vəzin ən təhlükəli xəstəliyi xərçəngdir.

Qalxanvari vəzin autoimmun xəstəlikləri də mövcuddur. Qreyves xəstəliyi və Haşimoto tireoiditi buna misaldır. Bunlar orqan toxumalarının xroniki iltihabı proseslərinə və dağılmasına səbəb olur. Bütün bu xəstəliklər diqqətli münasibət və vaxtında tibbi yardım tələb edir.