Şəmkirdə 9 mərtəbəli binanın lifti üç ildir işləmir | Sakinlərin şikayəti

Şəmkirin Kür qəsəbəsinin sakinləri lift problemindən əziyyət çəkirlər.

Onların sözlərinə görə, qəsəbədəki 2 doqquzmərtəbəli binanın lift problemi uzun müddətdir ki, həllini tapmır.

Sakinlər deyirlər ki, hər iki binanın lifti 3 il əvvəl dəyişdirilsə də, onları işə salmaq mümkün olmayıb:

“Üç ildir bu lifti qoyublar, amma hələ heç bir xeyrini görməmişik. Düşə bilmirik, qalxa bilmirik. 3 ildir liftlə bağlı şikayətimizə baxmırlar, gedib-gəlməkdən artıq yorulmuşuq. Təcili tibbi yardım çağırırıq, bina yüksəkmərtəbəli olduğuna görə yuxarı çıxmırlar”.