Silahlı Qüvvələr Günündə şəhidlər belə yad edildi

26 iyun – Silahlı Qüvvələr Günü münasibətilə İkinci Fəxri xiyabana gedən şəhidlərin ailə üzvləri, yaxınları, onların məzarlarını ziyarət edərək xatirələrini ehtiramla yad ediblər.

Baku TV-nin əməkdaşları Vətən uğrunda canından keçən qəhrəmanların ailə üzvləri ilə söhbətləşiblər.

“Mən həmişə Silahlı Qüvvələr Günündə onu təbrik edəndə deyirdim ki, hərbçi yoldaşı olduğuma görə qürur hissi keçirirəm. Bu gündən etibarən onu təbrik edəndə deyəcəyəm ki, fəxr edirəm, şəhidin həyat yoldaşıyam”, – şəhidin həyat yoldaşı deyib.