Pleyeri seçin:
Toxucu bu vaxta kimi neçə şəhidə görə şərf toxuyub? | Qusar sakinindən nümunəvi addım
Qusarın Gündüzqala kəndində yaşayan toxucu Saimət Nağıyeva əl işləri ilə Vətən uğrunda şəhid olan qəhrəmanlarımızın adını sənətində yaşadır.
Artıq 20 ildir ki, toxuculuqla məşğul olan Saimət Nağıyevanın əl işləri arasında ən çox Vətənimizin üçrəngli bayrağı və İkinci Qarabağ müharibəsi şəhidləri üçün toxuduğu şərflər yer alır.
“Bu günə qədər 500-dən çox şəhid şərfi toxumuşam. Qusarın bütün şəhidləri üçün toxumuşam. Hazırda əlimdə 61 şəhid şərfi var. Onlar da Quba rayonuna aiddir. Digər rayonlar üzrə də bacardığım qədər şərfləri toxuyub, şəhid ailələrinə təmənnasız təqdim edəcəyəm. Şəhid ailələri Qusarın və digər rayonların müxtəlif ucqar kəndlərində yaşayırlar. Çox vaxt çalışıram ki, toxuduğum şərfləri ailələrinə özüm təqdim edim”, – deyə Saimət Nağıyeva bildirib.
Kopyalandı
Seçilmişlər
