Sumqayıt hadisələrindən 35 il ötür
Sumqayıt hadisələrindən 35 il ötür.
1988-ci il fevralın 28-də baş vermiş bu hadisələr SSRİ Dövlət Təhlükəsizlik Komitəsinin erməni millətçiləri ilə birgə Azərbaycana qarşı təşkil etdiyi təxribatların növbəti tərkib hissəsi idi. Məqsəd isə ermənilərin özlərini məzlum, yazıq, əzilən xalq obrazını yaratmaq cəhdi idi.
Sumqayıt hadisələri sonradan Ermənistanın əlində bir bəhanəyə çevrildi, bundan arqument kimi istifadə edilməyə başlanıldı. Lakin hadisə ilə bağlı aparılan araşdırmalar, toplanılan şahid ifadələri və istintaq materialları əsl həqiqəti ortaya çıxardı.
İstintaqla müəyyən edilmişdi ki, hadisələrin təşkilatçısı iki dəfə məhkum olunmuş erməni əsilli Eduard Qriqoryandır. Aparılan araşdırmalarla Qriqoryanın şəxsən 5 ermənini qətlə yetirməsi müəyyən olundu. SSRİ Baş Prokurorluğunun apardığı istintaqla Sumqayıt hadisələri nəticəsində 26 erməni və 6 azərbaycanlının öldürüldüyü müəyyənləşdi. Məhkəmənin müvafiq qərarı ilə 92 nəfər uzunmüddətli həbs cəzasına, 1 nəfər isə ölüm hökmünə məhkum olundu.
Sumqayıt hadisələrinin təşkilatçısı erməni əsilli Eduard Qriqoryan olsa da, təəssüf ki, ölüm hökmü azərbaycanlı Əhməd Əhmədov barəsində çıxarıldı. Öldürülən ermənilərin əksəriyyəti isə erməni terror fondlarına pul köçürməkdən imtina edənlər idi. Bir sözlə, Sumqayıtda etnik zəmində törədilən iğtişaş həmin dövrdə bu sıradan olan məqsədyönlü təxribatların kulminasiyası idi.
![icon](/images/loading.png)