Tarif Şurası bir sıra məhsul və xidmətlər üzrə yeni qiymətlər müəyyənləşdirdi - Baku TV

Tarif Şurasının növbəti iclasında yanacaq, enerji, dərman vasitələri və sənaye sahələrini əhatə edən mühüm qərarlar qəbul edilib.

Qərara əsasən, “Aİ-92” markalı benzinin 1 litrinin qiyməti 1 manat 15 qəpik, dizelin 1 litrinin qiyməti isə 1 manat 10 qəpik müəyyənləşdirilib və əldə olunan vəsaitin bir hissəsi “İctimai nəqliyyat” Məqsədli Büdcə Fonduna yönəldiləcək.

Elektrik enerjisi və təbii qaz üzrə istehlakdan asılı olmayan aylıq sabit tariflər tətbiq olunaraq əhali üçün bu məbləğ 1 manat, qeyri-əhali istehlakçıları üçün isə təchizat sxemindən asılı olaraq 3 manata qədər müəyyən edilib.

Eyni zamanda 237 yeni dərman vasitəsinin qiymətinin yuxarı həddi təsdiqlənib, işğaldan azad edilmiş ərazilərdə elektrik şəbəkəsinə qoşulma ödənişlərinə əhəmiyyətli güzəştlər tətbiq olunub.

Bundan başqa, dəmir filizi istehsalı sahəsi üzrə təbii qaz tarifi azaldılaraq 1000 kubmetr üçün 200 manat 60 qəpik səviyyəsində təsdiqlənib və bütün qərarların 2026-cı il yanvarın 1-dən qüvvəyə minəcəyi bildirilib.