Pleyeri seçin:
Tbilisidə bir ay ərzində təmənnasız ustad dərsləri keçirilib
Gürcüstanda əl ilə toxunan Azərbaycan xalçaları adət-ənənəsinin qorunması layihəsinin yekunu ilə bağlı sərgi və ustad dərsi keçirilib.
Paytaxt Tbilisidə fəaliyyət göstərən Mirzə Fətəli Axundzadə adına Azərbaycan Mədəniyyəti Muzeyində keçirilən sərgidə Milli Məclisin deputatı Naqif Həmzəyev, Azərbaycanın Gürcüstandakı səfirliyinin məsul əməkdaşları, dövlət rəsmiləri, eləcə də gənclər iştirak ediblər.
Gürcüstanın Mədəniyyət Nazirliyinin dəstəyi ilə gerçəkləşən layihə çərçivəsində bir ay ərzində ustad dərsləri keçirilərək gənclərə Azərbaycan xalçalarının toxunulması öyrədilib.
Qeyd edək ki, keçirilən ustad dərslərində Gürcüstanda yaşayan soydaşlarımızla yanaşı, əcnəbilər də iştirak ediblər. Ümumilikdə 1 ay ərzində 40 nəfər Azərbaycan xalçalarını toxumağı öyrənib.
Kopyalandı
#Gürcüstan teqi istifadə olunub
Seçilmişlər
