Tədqiqatçılar siçanlar üzərində sınaq keçirdi | Alimlərdən yeni araşdırma

Gözün, xüsusən torlu qişanın vəziyyətinə əsasən Altsheymer xəstəliyinin ilkin əlamətlərini müəyyən etmək olar. İndiana Universitetinin Tibb Məktəbinin alimləri bu qənaətə gəliblər.

Araşdırma zamanı məlum olub ki, Altsheymer xəstəliyinin inkişaf riskini artıran APOE4 geninin müvcudluğu siçanlarda torlu qişanın funksiyasını pozur. Yeni kəşf bu genetik variant və xəstəliklə əlaqəli vizual işləmə problemləri arasında birbaşa əlaqənin olduğunu göstərir.

Tədqiqat qrupu siçanlarda torlu qişanın strukturunu və funksiyasını təhlil etmək üçün ən müasir vizualizasiya üsullarından istifadə edib. Gəmiricilərdə torlu qişanın qalınlığında və toxumaların elektrik aktivliyində əhəmiyyətli dəyişikliklər qeydə alınıb.

Əldə edilən nəticələr Altsheymer xəstəliyi olan insanlarda torlu qişanın anomaliyalarının klinik müşahidələri ilə üst-üstə düşüb ki, bu da xəstəliyə səbəb olan amillərin öyrənilməsi modelinin aktuallığını təsdiqləyir.