Tikintisində taxtadan istifadə edilən "A-frame" evlər nə qədər sərfəlidir?

Son zamanlar ölkədə “A-Frame” tipli evlərə tələbat artıb.

Xüsusilə turizm bölgələrində kirayə məqsədilə istifadəyə verilən, bir növ kotec rolunu oynayan bu evlər artıq paytaxtda uzunmüddətli yaşayış məntəqəsi üçün tikilir.

“A-Frame” evlərin tikintisini həyata keçirən şirkətin nümayəndəsi deyir ki, bu tipli evlərə marağın artmasının əsas səbəbi maya dəyərinin ucuz olması ilə yanaşı, qısa müddətdə ərsəyə gəlməsidir.

Tikinti şirkətinin nümayəndəsi Şaiq Hüseynli bildirib ki, “A-Frame” evlərin qiyməti 540-610 manat arasında dəyişir. Rayonlardan asılı olaraq qiymət 10-20 faiz arta bilər.

Tikintisində əsasən taxtadan istifadə edilən bu evlərin nə qədər təhlükəsiz olması da çoxlarını maraqlandıran əsas məsələdir. Ekspertlər deyir ki, “A-Frame”in inşası zamanı tikinti texnologiyasına əməl edilibsə, izolyasiya xətləri nəzərə alınıbsa, risk yoxdur.