“Ulu Öndərlə görüşümüz sanki dünən olub” | Heydər Əliyev xatirəsini əbədiləşdirən Zaqatala sakini
Ömrünün 65 ilini kəndirbazlıq sənətinə həsr edən 77 yaşlı Zaqatala rayon sakini, əməkdar mədəniyyət işçisi Rəşid Ələkbərov evinin həyətində Heydər Əliyev Muzeyi yaradıb.
42 il əvvəl ulu öndərlə görüşən Rəşid Ələkbərov deyir ki, uzun illər ərzində qurub yaratdığı muzeyin dəyəri onun üçün misilsizdir.
Onun sözlərinə görə, 1983-cü ildə kəndirbaz kimi çıxış edərkən, Heydər Əliyevin diqqətini çəkib və onunla görüşüb:
“Görüşümüz sanki dünən olub. Gənc idim və Heydər Əliyevin qarşısında çıxış etməkdə məsuliyyət hiss edirdim. Ulu öndər məni yanına çağırıb dedi ki, yaxşı oynayırsan deyə yox, ata-baba sənətini davam etdirdiyin üçün sənə xüsusi təşəkkürümü bildirirəm”.
Bu illər ərzində ulu öndərin xarici və daxili səfərlərində, iştirak etdiyi tədbirlərdə çəkilən fotolarını toplayan R.Ələkbərov muzeyində 500-dən çox şəkilin nümayiş olunduğunu bildirib:
“Burada elə şəkillər var ki, arxivlərdə axtarsalar, tapmazlar. Gündüz-gecə muzeyin ziyarətçiləri var. Bağça uşaqları müəllimləri ilə birlikdə gəlir, şəkil çəkdirirlər. Xaricdən gələn qonaqlar da olur”.
#Heydər Əliyev teqi istifadə olunub
- Heydər Əliyevlə cəbhə xəttində görüşən Sabir Məmmədov göz yaşlarını saxlaya bilmədi - Baku TV
- Əli Əsədov Türkmənistanda | Paşinyan Prezident İlham Əliyevin qərarını alqışladı - YENİ BİR SƏHƏR
- Ümummilli Lider Heydər Əliyevin hakimiyyətə dönüşü Azərbaycanı necə xilas etdi? - Baku TV
- İlham Əliyev və Mehriban Əliyevadan Heydər Əliyevin anım günü ilə bağlı paylaşım - Baku TV
- Ulu Öndərin dövlətçilik ənənələrinin banisi kimi tarixi rolu xüsusi vurğulanıb
