Pleyeri seçin:
“Üstlərindən tanklarla keçdilər” | 20 Yanvar hadisəsinin şahidi yaşadığı dəhşəti danışdı - Baku TV
“Rus Ordusunun törətdiyi vəhşiliklərin canlı şahidi olmuşam”.
Bu sözləri 20 Yanvar faciəsinin şahidi Vaqif Kərimli deyib.
Hadisə şahidi həmin gecə Bakıda baş verənləri xatırlayaraq bildirib ki, gecə saat 1-ə 10-15 dəqiqə işləmiş güllə səslərinə oyanıblar:
“O gecə tanklar maşınların üzərindən keçib, insanlara atəş açılıb, günahsız adamların qanı yerə tökülüb”.
Vaqif Kərimli qeyd edib ki, həmin faciə zamanı qonşuları ilə birlikdə “Semaşko” xəstəxanasının həyətinə gələrək yaralılara kömək ediblər:
“Təcili yardım maşınları bir-birinin ardınca xəstəxanaya gəlirdi. Biz də yaralıları yuxarı qaldırmağa yardım edirdik. Xəstəxananın və ətraf ərazilərin işıqlarını söndürmüşdülər. Həkimlər şam işığında yaralılara yardım edirdilər”.
Kopyalandı
Seçilmişlər
