Üzünü görmədiyi oğlu şəhidin adını yaşadır | “Uşaqlar soruşur ki, atamız niyə gəlmir?”
Baku TV Tovuz döyüşləri şəhidi Elşad Məmmədov haqında reportaj hazırlayıb.
Şəhidin anası Nuriyyə Məmmədova oğlunun evə son gəlişi barədə danışarkən deyib: “3 saatlıq gəlmişdi. Oğlu Məhəmmədi oynatdı, yola qədər qucağında apardı. Məhəmmədin adını özü qoymuşdu. Babasının adını yaşatmaq istəyirdi”.
N.Məmmədova qeyd edib ki, Elşad ikinci övladının olacağından xəbərsiz şəhid olub: “O şəhid olandan sonra bildik ki, ikinci övladı dünyaya gələcək. Sevindik, amma həm də kədərləndik ki, oğlum onu görməyəcək. Elşadsız həyat çox çətindir. Uşaqlar soruşur ki, atamız niyə gəlmir?”.
Şəhidin atası Dönməz Məmmədov isə oğlunun əmanətləri olan nəvələri ilə nəfəs aldığını söyləyib: “Kiçik nəvəmdən böyüyəndə kim olacağını soruşuruq. Deyir ki, polis olacağam və sonra atamı dirildəcəyəm”.
#Tovuz döyüşləri teqi istifadə olunub
- Tovuz döyüşlərində yaralananlar məhkəmədə ifadə verdilər
- Qanla tarix yazdılar | Polad Həşimov və İlqar Mirzəyevin şəhidlik zirvəsinə ucaldığı gün
- “Bu, xalqı oyadan hadisə oldu” | Milli Qəhrəmanın qızı zəfərə aparan döyüşlərdən danışdı
- “Əsgəri önə keçməyə qoymadı, özü...” | Milli Qəhrəman Polad Həşimovun anası
- Tovuz döyüşlərinin qəhrəman qazisi | Məhiyyəddin Zeynalov
