Vardanyan ailəsinə göndərdiyi audiomesajda nələr dedi?
Bakıda həbsdə olan, hərbi cinayətlərdə təqsirləndirilən Ruben Vardanyan ailəsi ilə telefon danışığı zamanı audiomesaj göndərib.
Bu barədə "Oxu.Az" Ermənistan KİV-ə istinadən məlumat verib.
Bildirilib ki, R.Vardanyan müraciətində səhhəti ilə bağlı hər şeyin qaydasında olduğunu deyib.
"Mən heç zaman olmadığı qədər ruhən gümraham", – deyə o bildirib.
R.Vardanyan daha sonra təmasda olduğu çoxlu sayda azərbaycanlıya təşəkkür edib.
"Mən optimistəm və inanıram ki, hər şeyə rəğmən, qarşımızda duran bütün çətinlikləri dəf edəcəyik və bəzi xalqların bacardığı kimi, yenə də öz vətənimizdə qonşumuzla sülh şəraitində, bir-birimizə hörmət edərək yaşayacağıq, qarşılıqlı düşmənçiliyə, yığılmış qəzəb və nifrətə qalib gələcəyik. Ancaq biz bunu həqiqətən etmək istəyiriksə, bizə sadəcə kağız üzərində imzalanan deyil, həmçinin həyatda da reallaşdırılan, həqiqətən, sabit, uzunmüddətli sülh lazımdır", – deyə R.Vardanyan vurğulayıb.
Qeyd edək ki, Rubem Vardanyan 2023-cü il sentyabrın 27-də "Laçın" dövlət sərhədindən buraxılış məntəqəsində Dövlət Sərhəd Xidmətinin hərbi qulluqçularının sayıqlığı nəticəsində saxlanılıb.
#Ermənistan teqi istifadə olunub
- Ermənistan bankları rusiyalılara niyə xidmət göstərməkdən imtina edir? - Baku TV CANLI
- Azərbaycan–Ermənistan arasında neft tədarükünün ilk mərhələsi - Baku TV
- Azərbaycandan gedən neft məhsulları Ermənistana çatdı
- Azərbaycan yanacağını Ermənistana çatdıran ilk qatarın görüntüləri - Baku TV
- Ermənistan–ABŞ işçi qrupunun ilk görüşü keçirilib
