Varlı və kasıbı ayırd edən xəstəliklər | Xərçəng ən çox kimlərdə olur?

Kanadalı fizioloqlar zənginlik və kasıblığın insan taleyinə təsirini araşdırıb. Onlar 103 könüllünün həyatını təhlil edib.

Alimlər uşağın ailədə göz açmasından sonrakı ilk 5 ildə maddi rifahın sonrakı taleyini müəyyən etdiyini sübut edib.

Hələ uşaqlıqda insanın taleyinə bir çox faktorlar təsir edir. Massaçusets İnstitutu və Harvard Universitetinin neyrobioloqlarının qənaətinə görə, zəngin, imkanlı ailələrdəki uşaqların beyninin kök və gicgah hissələri daha qalın olur.

Kasıb ailələrin uşaqlarında SLC6A genində dəyişiklik xarakterikdir. Bu gen serotoninin beyinə yayılmasını təmin edir. Bu uşaqlarda depressiya və digər psixi pozuntular riski yüksəkdir. Ümumiyyətlə, kasıb ailələrdə böyüyən uşaqlarda orqanizmdə stres hormonu kortizolun miqdarı çox olur. Bu hormon insanda qorxaqlıq, çəkingənlik, ehtiyat, tələsməmək hissini artırır. Kasıb uşaqlar riskə az meyillidir, karyerada irəliləməyə çəkinir.

Eləcə də ABŞ-da zəngin insanların kasıblardan 10 il daha çox yaşadığı da sübut olunub. Kasıblar daha çox ürək tutması, ürək-qan damar xəstəliklərindən vəfat edir. Bundan əlavə, süd vəzi xərçəngi, prostat, qan xərçəngindən də kasıb ailələrdə böyüyənlər əziyyət çəkir.