Xəstəliklərin qarşısını öncədən alın! | Bu analiz görün nələri üzə çıxarır

Xəstəliyi önləmək, qarşısını almaq müalicədən daha asandır. Ona görə də vaxtaşırı bəzi analizləri vermək lazımdır.

İl ərzində ən azından bir dəfə verilməli olan analizlər arasında qanın ümumi analizi də var. Bu, orqanizmdə ümumi dəyişikliklər, qanın ümumi vəziyyəti, qanazlığı, ürək problemi, iltihab, ağciyər xəstəlikləri, hətta xərçəngi də göstərə bilir.

Qanın biokimyəvi analizi isə mədəaltı vəz, öd, qaraciyər, endokrin sisteminin vəziyyəti barədə xəbər verir. Şəkərli diabeti də görmək olur. Mütləq ildə bir dəfə verilməlidir.

Sidiyin ümumi analizi 20 göstəricini özündə birləşdirir. Böyrəklər, ürək, virus infeksiyaları, nefrit də bunların arasındadır. QİÇS və hepatit analizləri mütləq hər il verilməlidir. Çünki bu xəstəliklər əlamətsiz başlayır və orqanizmdə hüceyrələri məhv edir.

Qalxanvari vəz hormonal analiz qadınların sevimli analizi olmalıdır. Sinir sistemi, yod defisiti, hamiləlikdən öncəki və sonrakı vəziyyəti bilmək olur. Hormonlar bütün bədəni idarə edir. Çox xəstəliklər onlardan asılıdır. Bu analiz kişilər üçün də önəmlidir.

Koproqramma ümumi nəcis analizidir. Bağırsaq xəstəlikləri, həzm, bağırsaq mikroflorası pozulmasını, iltihabını göstərir. Bu analizdən bir həftə öncə antibiotik qəbulunu dayandırmaq lazımdır.

Bədxasəlli şişlərin növlərinə görə müxtəlif onkomarkerlər verilir. 40 yaşdan sonra hər kəs ildə iki dəfə altı aydan bir verməlidir. Belə analizləri müasir və dəqiq laboratoriyada vermək lazımdır.