“Yataqxanalarda yaşamışıq, şükür ki...” | Doğma yurda qayıdan sakinlərin sevinci - Baku TV

Prezident İlham Əliyevin tapşırığına uyğun olaraq “Böyük Qayıdış” Proqramı çərçivəsində keçmiş məcburi köçkünlərin işğaldan azad olunmuş ərazilərə qayıdışı davam edir. Sentyabrın 1-də Ağdam şəhərinə yola düşən növbəti köç karvanı ünvana çatıb.

Bu mərhələdə 117 ailə olmaqla 362 keçmiş məcburi köçkün doğma yurda – Ağdam şəhərinə qovuşub.

Ağdam şəhərinə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Ağdam sakinləri təəssüratlarını jurnalistlərlə bölüşüblər.

"Uzun illərdir ki, Ağdamdan köçkün düşmüşdük, yataqxanalarda yaşayırdıq. Prezidentimizin rəhbərliyi və qəhrəman oğullarımızın şücaəti sayəsində doğma torpaqlarımıza qayıtdıq. Bu gün mənim üçün ən xoşbəxt gündür", – onlardan biri söyləyib.