Yaz özünü istilərlə göstərməyə başlayır | Hava haqqında məlumat

Aprelin 13-nə gözlənilən hava şəraiti açıqlanıb.

Bu barədə Milli Hidrometeorologiya Xidmətindən məlumat verilib.

Bildirilib ki, sabah Bakıda və Abşeron yarımadasında hava şəraiti əsasən yağmursuz keçəcək. Mülayim cənub-küləyi əsəcək. Havanın maksimal temperaturu 15-20 dərəcə isti olacaq.

Bölgələrdə də əsasən yağmursuz hava şəraiti proqnozlaşdırılır. Lakin aprelin 13-ü gündüz bəzi dağlıq ərazilərdə qısamüddətli yağıntı olacağı ehtimal olunur.

Havanın maksimal temperaturu Aran rayonlarında 20-25, dağlıq ərazilərdə isə 7-12 dərəcə isti olacaq.