Yeməkdən sonra mütləq bunu edin | Ramazandan sonra necə qidalanaq?

On bir ayın sultanı müqəddəs Ramazan ayı artıq başa çatıb.

Orqanizm bir ay ərzində ac və susuz qalmağa öyrəşib. İndi isə bayram qeyd edilir. Süfrələr yenə naz-nemətlərlə dolacaq.

Bəs bir ay boyunca aclığa və susuzluğa öyrəşmiş orqanizm əvvəlki qida vərdişinə necə qaytarılmalıdır?

Diyetoloq Ləman Süleymanova bildirib ki, səhər yeməyində asan həzm olunan karbohidratlara, yəni meyvə-tərəvəzlərə, meyvə şirələrinə üstünlük verilməlidir:

“Günorta yeməyini normal yemək, axşam yeməyini çox yüngül etmək lazımdır. Yeməkdən yarım saat sonra mütləq bitki çayına üstünlük verilməlidir. Beləliklə, rahat şəkildə rejimdən rejimə keçid etmək mümkündür”.

Mütəxəssislər onu da bildiriblər ki, qidanı birdən-birə artırmaq sağlamlıqda problemlər yaratmaqla yanaşı, sürətlə piylənməyə da səbəb ola bilər.