Cəmiyyət
Pleyeri seçin:
Dünya Güləş Birliyi tərəfindən yaradılan yeni Komitəyə seçilən prezident kimdir?
Azərbaycan Güləş Federasiyasının (AGF) vitse-prezidenti Namiq Əliyev Dünya Güləş Birliyi (UWW) tərəfindən yaradılan yeni komitənin prezidenti seçilib.
Adrian Bakosun vitse-prezidenti seçildiyi yeni komitə qrapplinq, pankration və həvəskar MMA üzrə yaradılıb.
Qeyd edək ki, bu sahələrdə çox sayda idmançının bir neçə idman növü ilə məşğul olması səbəbindən sözügedən idman növlərinin vahid komitə tərəfindən idarə edilməsi qərara alınıb.
Birlik bu idman növlərini vahid komitədə birləşdirməklə bu sahəyə daha çox və peşəkar səviyyədə diqqət ayrılmasını hədəfləyir. Bununla bağlı milli federasiyalara müvafiq qaydada müraciət edilərək qrapplinq, pankration və həvəskar MMA idman növlərinə dəstək verməyə çağırılıb.
UWW-nin seçim qaydalarına uyğun olaraq, milli federasiyalar tərəfindən əlavə üç üzvün də seçilməsindən sonra komitə tam formalaşdırılacaq. Yeni komitəyə idmançı, məşqçilər və texniki komissiyalar kimi əlavə komissiyalar dəstək verəcək.
Kopyalandı
Seçilmişlər
