Yeniyetmə 40 yaşlı ərini atıb başqa kişi ilə qaçdı | Göygöldə dəhşətli hadisə

Azərbaycanda 17 yaşlı qızın həyatı təhlükə altındadır. Bu barədə sosial şəbəkələrdə məlumat paylaşılıb.

İddia edilib ki, Göygöl rayonunda 2007-ci il təvəllüdlü qız 40 yaşlı kişiyə ərə verilib. Bir müddət sonra qız əri ilə getdiyi toyda başqa kişiyə qoşulub qaçıb. Həmin şəxs isə daha sonra qızdan imtina edib. Atası xaricdə olan qızını 11-ci sinif şagirdi olan qardaşının öldürməsi təhlükəsi olduğunu iddia edir.

Məsələ ilə bağlı Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu bildirib ki, hazırda faktla bağlı araşdırma aparılır.