Zakir Həsənov “ADEX” sərgisində Milli Müdafiə Universitetinə məxsus stendlə tanış oldu

Müdafiə naziri general-polkovnik Zakir Həsənov “ADEX” sərgisində Milli Müdafiə Universitetinə və ölkəmizin digər təhsil müəssisələrinə məxsus stendlərlə tanış olub.

Müdafiə Nazirliyinin xəbərinə görə, nazirə məlumat verilib ki, Universitetin Heydər Əliyev adına Hərbi İnstitutunun komandası Türkiyədə keçirilən “TEKNOFEST 2024” texnologiya müsabiqəsinin seçim turlarından müvəffəqiyyətlə keçərək final mərhələsinə yüksəlib.

Komandamız müsabiqədə “Toratan dron ZN-44” layihəsi ilə iştirak edib.

Universitetin stendində həmçinin 2022-ci ildə Bakıda keçirilən “Texnofest Azərbaycan” Aerokosmik və Texnologiya festivalında “Pilotsuz Uçuş Aparatları” müsabiqəsinin “B” kateqoriyası üzrə 3-cü yerə layiq görülən və Heydər Əliyev adına Hərbi İnstitutun kursantlarının hazırladığı “Xilaskar” pilotsuz uçuş aparatı da nümayiş olunub.