22 nəfər qorxulu evdə 50 dəqiqə keçirdi və... | Adrenalin yaşamaq istəyənlər diqqətli olun!

Danimarkanın Orhus Universitetinin alimləri qorxu hissi ilə immunitet sisteminin vəziyyəti arasında gözlənilməz əlaqə aşkar ediblər.

Məlum olub ki, qorxu filmləri və ya tərk edilmiş cinlərin olduğu deyilən evlərə baş çəkmək kimi qorxulu təcrübələr təkcə emosional vəziyyətə və ürək döyüntüsünə deyil, həm də orqanizmi xəstəliklərdən qoruyan sistemin fəaliyyətinə təsir göstərir.

Təcrübədə aşağı səviyyədə iltihabı olan 22 nəfər iştirak edib. Onlar qorxunc nömrələrin təqdim edildiyi köhnə evdə 50 dəqiqə keçiriblər.

Maraqlıdır ki, bundan sonra həmin şəxslərin orqanizmində iltihabi proseslər 81 faiz azalıb. 91 könüllü üzərində aparılan başqa bir araşdırma da oxşar təcrübələrdən sonra immunitet sistemindəki dəyişikliklər təsdiqlənib.

Elm adamları bu təsirin adrenalin və endorfinlərin artması nəticəsində yarandığını deyiblər. Qorxu və immunitet funksiyası arasındakı əlaqə keçmişdə kifayət qədər öyrənilməyib. Təcrübələr zamanı tədqiqatçılar şişlərdən və patogenlərdən qorunmaqda əsas rol oynayan limfositlər və monositlər kimi immun hüceyrələrinin azaldığını müşahidə ediblər.

İştirakçılarda ağ qan hüceyrələrinin, o cümlədən eozinofillər və bazofillərin sayının azalması xüsusilə nəzərə çarpıb.

Qeyd edək ki, stres hormonlarının həddindən artıq aktiv olması orqanizmə xeyir vermir. Qorxu zamanı beyin dopamin və serotonin ifraz edir. Bu da psixologiyaya mənfi təsir edir.

Psixoloqlar onu da qeyd edirlər ki, bütün bu mənfi cəhətlərə baxmayaraq, uydurulmuş qorxuları yaşamaqla insan çətin vəziyyətlərdən çıxış yolu axtarmaq və qorxu hissindən uzaq olmağı öyrənir.