ABŞ əməliyyatlara xüsusi təyinatlıları cəlb edir?
İsrail Müdafiə Ordusu İranın hərbi potensialını zəiflətmək və silah istehsalına mane olmaq məqsədilə ilk dəfə olaraq neft infrastrukturuna aviazərbələr endirib.
"CBS News"un məlumatına görə, İran hərbçiləri həm ordunun ehtiyacları, əməliyyatların keçirilməsi, həm də istehsal və elmi-tədqiqat fəaliyyəti üçün istifadə olunan bu neft emalı zavodlarındakı yanacaqdan tamamilə asılıdırlar.
"ABŞ və İsrail İrana məxsus zənginləşdirilmiş uran ehtiyatlarını ələ keçirmək üçün ölkə ərazisinə xüsusi təyinatlı dəstələrin göndərilməsi imkanını nəzərdən keçirir". Bu barədə isə "Axios" portalı məlumat yayıb.
Qeyd olunub ki, bu, hərbi əməliyyatın son mərhələlərində həyata keçirilə bilər və Vaşinqtonun Tehranın nüvə silahına sahib olmasının qarşısını almaq üçün əsas addım olacaq.
Hələlik bu əməliyyatı tərəflərdən hansının reallaşdıracağı və ya birgə keçirilib-keçirilməyəcəyi ilə bağlı məlumat yoxdur. Çox güman ki, əməliyyat hər iki ölkə İran Silahlı Qüvvələrinin cəlb olunan bölmələr üçün ciddi təhlükə yaratmayacağına əmin olduqdan sonra baş tutacaq.
Hazırda kəşfiyyat məlumatlarına görə, ehtiyatların əsas hissəsi İsfahandakı nüvə obyektinin yeraltı tunellərində, qalanları isə Fordo və Natanzdakı obyektlərdə yerləşir.
#ABŞ-İsrail-İran müharibəsi teqi istifadə olunub
- Yaponiyada Hörmüz boğazına hərbçilərin göndərilməsi ilə bağlı fikirlər bölünüb
- SEPAH əməliyyat keçirib | İsrailə aid gəmilər hansı qaydanı pozub? - Baku TV
- 25 milyard avroluq itki: Avropa ABŞ-İran münaqişəsinin bədəlini ödədi - Baku TV
- Aİ ABŞ və İsrailin İrana qarşı hərbi əməliyyatları nəticəsində nə qədər itirib? - Baku TV CANLI
- Tramp və Netanyahu arasında telefon danışığı olub | ”Yaxın Şərqin simasını dəyişəcəyik” - Baku TV
