Pleyeri seçin:
ABŞ-İran danışıqları olacaq? | Tramp İran neftinə sahib olmaq istəyir? - Baku TV
İran hazırda ABŞ və İsraillə danışıqlar üçün imkan görmür, çünki Vaşinqton artıq iki dəfə Tehranı aldadıb.
Bu barədə İranın ali rəhbərinin aparatının müşaviri Kamal Xərrazi bildirib.
"Mən artıq diplomatiya üçün məkan görmürəm, çünki Donald Tramp başqalarını da aldadıb və öz vədlərinə əməl etmir. Biz bununla iki dəfə üzləşmişik", – deyə o qeyd edib.
İran rəsmisi ehtimal edib ki, iqtisadi təzyiq digər ölkələrin ABŞ və İsrailin İrana qarşı təcavüzünün dayandırılmasını təmin etmək üçün müdaxilə edəcəyi həddə çatdıqda danışıqlar üçün imkan yarana bilər.
Bu arada, ABŞ Prezidenti Donald Tramp İran neftinə sahib olmaq istədiyini etiraf edib. O, müsahibə zamanı ABŞ-nin yanvarda ölkə lideri Nikolas Maduronun tutulması üçün xüsusi əməliyyat keçirdiyi Venesuelanı xatırladıb.
Əlavə edək ki, İran nefti daha çox Çinə ixrac olunduğundan ABŞ neft üzərində nəzarəti ələ alarsa, Çinlə münasibətləri daha da gərginləşə bilər.
Kopyalandı
Seçilmişlər
