ABŞ və İsraillə hərbi gərginlik İrana baha başa gələcək? - Baku TV
Hər saat İranın daha çox raketini və dron imkanlarını məhv edirik. Raketi buraxan kimi dörd dəqiqə ərzində buraxılış qurğusu vurulur. Nə baş verdiyini belə anlamırlar. Onların Hərbi Dəniz Qüvvələri yoxa çıxıb. Üç gündə 24 gəmi. Bu, xeyli say deməkdir. Onların zenit silahları yoxa çıxıb, ona görə də Hərbi Hava Qüvvələri yoxdur. Onların hava hücumundan müdafiəsi yoxdur. Bütün təyyarələri yoxa çıxıb, rabitələri məhv olub.
Bu sözləri ABŞ Prezidenti Donald Tramp deyib.
Gizli deyil ki, İran enerji resursları, hərbi potensialı və nüvə texnologiyaları ilə geosiyasi güc aktoru kimi çıxış edir. Lakin ABŞ-İran müharibəsi Tehranın hərbi güc potensialı haqqında artıq suallar yaratmağa başlayıb. Müharibənin ilk günlərində raket və dron potensialından yüksək səviyyədə istifadə edən rəsmi Tehran artıq tempini yumşaldıb. Bu isə ağıllara İranın silah imkanlarının məhdudlaşması ilə bağlı sualları gətirir. Amerika Birləşmiş Ştatlarının Prezidenti Donald Trampın bu istiqamətdə açıqlamaları da İranın tükəndiyinə dair versiyaları gücləndirir.
Siyasi elmlər doktoru Hikmət Babaoğlu Baku TV-yə verdiyi açıqlamasında bildirib ki, bir neçə ay əvvəl baş verən 12 günlük müharibə zamanı İran bu gün istifadə etmədiyi silahlardan və raket atan sistemlərdən istifadə edib:
“Bu, İranın müharibəyə hazırlaşdığını göstərir. Lakin 6 ay ərzində bu cür müharibəyə necə hazırlıq görülə bilər? Bu müddət ərzində bazanı nə qədər genişləndirmək olar? Buna görə də hazırlıq məhduddur. Üstəlik, atılan raketlərin hədəfini tapmadan vurulması məsələsi var. Bu o deməkdir ki, dəqiqlik çox aşağıdır. İranın atdığı raketlərin 80 %-i hədəfə çatmamış başqa ölkələrin ərazilərində vurulur, 20 %-nin isə hədəfə dəymədiyi müşahidə edilib”.
#ABŞ teqi istifadə olunub
- Tramp Tehrandan qeyd-şərtsiz kapitulyasiya tələb edib
- Tramp Messini Ağ Evdə qarşıladı: "Oğlum sənin böyük fanatındır"
- İran daxilində böhran dərinləşir: partlayışlar, siyasi çəkişmələr və yeni lider axtarışı
- Trampdan İranla bağlı qalmaqallı açıqlama - ANA XƏBƏR
- İrana qarşı əməliyyat bitdikdən sonra Kubanı nə gözləyir? – Tramp açıqladı
