Almaniya Ukraynaya 14 ədəd "Leopard 2" tankı göndərəcək

Almaniya Ukraynaya 14 ədəd “Leopard 2” tankı göndərəcək. Bu barədə Ukrayna Prezidenti Volodimir Zelenski “Sky News” telekanalına müsahibəsində deyib.

Jurnalist Zelenskidən Almaniya kanslerinin qərarı barədə nə düşündüyünü soruşub. Ukrayna Prezidenti suala cavabında məlumatlı olmadığını bildirsə də, qəfil mətbuat katibinin sözü onu təəccübləndirib.

“Mətbuat katibim dedi ki, kansler Şolts “Leopard”ları verəcəyini indicə təsdiqləyib. Müsahibədən dərhal sonra onunla söhbət edəcəyəm. Mən çox xoşbəxtəm. Almaniyaya təşəkkür etmək istəyirəm”, - deyə Zelenski bildirib.