Avropa Trampın Rusiya ilə bağlı şərtlərini yerinə yetirməyə hazır deyil?

“Avropa ABŞ Prezidenti Donald Trampın Rusiyaya sanksiya tətbiqi ilə bağlı tələb və şərtlərini yerinə yetirməyə hazır deyil”.

Bunu Rusiyanın Ali İqtisadiyyat Məktəbinin Hərtərəfli Avropa və Beynəlxalq Araşdırmalar Mərkəzinin direktor müavini Dmitri Suslov bildirib.

“Avropa İttifaqı Rusiyaya qarşı 19-cu sanksiyalar paketinin qəbulunu təxirə salıb. Çünki o, ABŞ Prezidenti Donald Tramp administrasiyasının dəstəyini ala bilməyib, birtərəfli qəbul isə ittifaqın siyasi iflasını açıq şəkildə göstərəcək.

Düşünürəm ki, qeyri-müəyyən təxirə salınmanın əsas səbəbi Tramp administrasiyasının Amerika sanksiyaları və həm Rusiya, həm də Rusiyanın əsas tərəfdaşlarına qarşı təzyiq tədbirləri ilə bağlı tutduğu mövqe idi. Yəni Tramp administrasiyası Vaşinqtonun həmçinin Çin və Hindistana qarşı bəzi yeni anti-Rusiya sanksiyaları və yeni təzyiq tədbirləri tətbiq etməsi üçün Avropa Birliyinə açıq-aşkar qeyri-mümkün şərtlər qoyub.

Avropa İttifaqının ABŞ ilə hansısa şəkildə birgə hərəkət etmək istəyi, nəhayət, onu Rusiyaya qarşı, tərəfdaşlarına qarşı nəsə etməyə inandırmaq istəyi bu gecikmənin əsas səbəbidir.

Üstəlik, biz bilirik ki, hətta 19-cu paketlə bağlı qeyri-iqtisadi məsələlərdə də çətinliklər yaranıb. Daha doğrusu, Rusiyaya qarşı viza rejiminin daha da sərtləşdirilməsi ilə Avropa Komissiyasının nümayəndələri kifayət qədər obyektiv addımlar atıblar. Ruslar üçün turist vizalarının verilməsinə daha böyük məhdudiyyətlər qoyulur”, ‒ Suslov qeyd edib.