Çinin iki supertankeri Hörmüzdən keçdi
Son sutka ərzində Hörmüz boğazından 26 ticarət gəmisi buraxılıb. Bu barədə İslam İnqilabı Keşikçiləri Korpusunun bəyanatında deyilir.
Məlumata görə, bu gəmilər arasında neft tankerləri, konteyner gəmiləri və ticarət nəqliyyat vasitələri var. Qeyd olunur ki, İran Hərbi Dəniz Qüvvələri gəmilərin keçidini və təhlükəsizliyini tam şəkildə təmin edib.
Daha əvvəl təxminən 4 milyon barel neft daşıyan Çinə məxsus iki supertanker Hörmüz boğazından keçib.
Bundan əlavə, İranın Xarici İşlər Nazirliyinin rəsmi nümayəndəsi İsmayıl Bəqai ABŞ-nin Tehranın təklifi əsasında münaqişənin həlli məsələsi ilə bağlı məlumat mübadiləsini davam etdirdiyini bəyan edib.
O bildirib ki, mayın 18-də Pakistan ABŞ-yə münaqişələrin həlli ilə bağlı 14 maddəlik yeni təklif təqdim edib və mətndə hərbi əməliyyatların dayandırılması eyni zamanda etimadın artırılması tədbirləri vurğulanıb.
Bu arada, İranın Xarici İşlər Naziri Abbas Əraqçi ölkəsinin danışıqlara da, döyüşə də hazır olduğunu qeyd edib.
“Biz öz missiyamızı yerinə yetiririk və digər qurumlarla birgə işlər aparırıq. Silahlı qüvvələrin komandirləri ilə hər gün bir neçə dəfə əlaqə saxlayır, görüşlər keçirir və məqsədimizə çatmaq üçün birgə səylərimizi davam etdiririk. Lazım gəldikdə missiyamızı yerinə yetirmək üçün müvafiq addımlar atacağıq. İran həm mübarizə aparmağa, həm də danışıqlara hazırdır”, – deyə A.Əraqçi bildirib.
#Çin teqi istifadə olunub
- Putin-Si Cinpin görüşünün pərdəarxası: Yeni soyuq müharibə mərhələsi başlayır? - AKTUAL GÜNDƏM
- Çin üçün Tramp, yoxsa Putin vacibdir? | Tez-tez gələn qonaqla, gec qapı açan qonağın fərqi - Baku TV
- Tramp savaş əmrindən məhrum edilib? - AKTUAL GÜNDƏM
- Putin Si Cinpinlə razılaşdı: Rusiya və Çin arasında bəyanat imzalandı - Baku TV CANLI
- Putinin Pekində qarşılanmasından görüntülər
