Dağıntılar altında qalanlar ələ salındı

Türkiyədə baş verən güclü zəlzələ nəticəsində dağıntılar altında kömək gözləyən insanlara zəng edərək onları məsxərəyə qoyan 2 nəfər saxlanılıb.

Belə ki, onlardan biri 17 yaşlı Selman Altunbaş Kahramanmaraş şəhərində zəlzələ nəticəsində dağıntılar altında qalan şəxslərə zəng edərək özünü xilasetmə əməkdaşı kimi təqdim edib. Daha sonra dağıntılar altında qalanları xilas edəcəyini bildirib və gülərək həmin insanları ələ salıb.

Həmin səs yazısı qısa zamanda sosial şəbəkələrdə geniş yayılıb və insanlar tərəfindən qınaqla qarşılanıb. Bununla bağlı İstanbul şəhərində Türkiyə polisi tərəfindən həyata keçirilən axtarış nəticəsində Selman Altunbaş və daha bir nəfər saxlanılıb. Hazırda araşdırmalar davam edir.