Dəhşətli hava zərbələrindən sonra Dneprdə son vəziyyət

Aprelin 19-u gecədən başlayaraq gündüz saatlarına qədər Ukraynanın şərq, cənub və mərkəzi vilayətlərinə yenidən ağır hava hücumları baş verib.

Ukrayna hava hücumundan müdafiə qüvvələri zərbələrin əksəriyyətinin qarşısını alsa da, Dnepropetrovsk vilayətinin Snelnikov, Pavloqrad və Dnepr şəhərləri ciddi dağıntılara və insan tələfatına məruz qalıb.

Ukrayna HHQ Komandanlığının rəsmisi İlya Elaş bildirib ki, düşmən “Shahed” pilotsuz uçuş aparatlarından, həmçinin qanadlı raketlər və idarəolunan təyyarə raketlərindən istifadə etməklə kompleks hücumlar həyata keçirməyə cəhd edib:

“Bu, PUA hücumları Primorsko-Axtarskdan, həmçinin Kurskdan həyata keçirilib. Bundan başqa, düşmən strateji bombardmançı təyyarələrdən qanadlı raketlərlə zərbələr endirib. Buraxılış istiqaməti Qara dəniz və Azov dənizi akvatoriyası olub. Üstəlik, Krım ərazisindən “İsgəndər-K”, Kursk vilayəti və Azov dənizi ərazisindən isə idarə olunan raketlərlə hücum edilib. Düşmən hava hücumu zamanı ümumilikdə 30 növ silahdan istifadə edib. Biz 13 “Shahed” tipli PUA-nı, o cümlədən raketi zərəsizləşdirmişik”.

Qeyd edək ki, aprelin 19-u günün sonuna doğru Ukraynanın əksər vilayətlərində yenidən kütləvi hava həyəcanı siqnalları eşidilib.