Diplomatlar Rusiyaya qarşı yekdil fikrə gələ bilmədilər
“Almaniya 2022-ci ilin fevralından Ukraynaya 55 milyard avro məbləğində hərbi yardım, 39 milyard avro məbləğində isə mülki dəstək göstərib”.
Bunu Almaniya hökumətinin rəsmi nümayəndəsi Ştefan Kornelius bildirib.
Onun sözlərinə görə, Almaniya hazırda Ukraynanın həm mülki, həm də hərbi sahədə ən böyük ikitərəfli donorudur.
“Avropa İttifaqının Xarici İşlər Nazirləri Şurasının iclasında Rusiyaya qarşı 20-ci sanksiyalar paketinin qəbulu və Ukraynaya 90 milyard avro məbləğində kreditin verilməsi məsələsində çətin ki, irəliləyiş əldə edilsin”.
Bunu isə Avropa diplomatiyasının rəhbəri Kaya Kallas bəyan edib.
Onun sözlərinə görə, sanksiyaların qəbul edilməsi və qərarı bloklayan ölkələri öz mövqelərini yenidən nəzərdən keçirməyə inandırmaq üçün bütün səylər göstəriləcək:
“Əlbəttə, biz Rusiyaya qarşı 20-ci sanksiyalar paketini müzakirə edirik. İrəliləyiş olmayacaq, lakin biz səylərimizi davam etdirəcəyik. Biz bir-biri ilə heç bir əlaqəsi olmayan şeyləri bir-birinə bağlamamalıyıq. Amma gəlin dinləyək ki, onlar vetonun səbəblərini necə izah edirlər, sonra isə bu məsələni aradan qaldırmağın imkanlarının olub-olmadığına baxaq”.
O əlavə edib ki, müvafiq məsələlər Macarıstan və digər üzv dövlətlərlə müzakirə olunur.
#Rusiya-Ukrayna müharibəsi teqi istifadə olunub
- Ukrayna bu ölkələrdən nüvə silahı alacaq? - Zelenskidən açıq mesaj - Baku TV
- Tramp Rusiya-Ukrayna münaqişəsindən danışdı - Baku TV CANLI
- Rusiya Ukraynaya raket və dronlarla hücum edib
- ABŞ-nin dövlət katibi münaqişəni bitirə biləcəklərinə inanır
- “Tramp müharibənin bitməsi üçün çox şey etdi, amma...” | Marko Rubio
