Dmitri Medvedev NATO ölkələrinə hədə-qorxu gəldi

“Ukrayna səmasında uçuşsuz zona yaradılması və NATO ölkələrinə Rusiyanın pilotsuz uçuş aparatlarını vurmaq ideyaları alyansın Rusiyaya qarşı müharibəyə başlaması kimi qəbul ediləcək”.

Bu sözləri Rusiya təhlükəsizlik şurasının rəhbərinin müavini Dmitri Medvedev deyib.

Qeyd edək ki, bu ideyanı Polşanın xarici işlər naziri Radoslav Sikorski səsləndirib.

Medvedev Avropanın şərq qalxanı təşəbbüsünü də gülüş hədəfinə çevirib və bildirib ki, deyəsən, istəklilər koalisiyasında qalan elə budur.

Bu arada, Rusiya Çerniqov vilayətinə zərbələr endirib, 4 yanğınsöndürən yaralanıb. Hücumların qəsdən xilasedici məntəqələrinə edildiyi bildirilir. PUA-larla açılan atəş yanğına səbəb olub.

Ukraynanın dron istehsalçı şirkətləri olan “Vuayriy” və “Dördüncü qanun” yeni dron növlərinin hazırlanması barədə məlumat verib. Yeni dronlarla bağlı iki briqada yaradılıb. Bu PUA-lar hədəfi məhv etmək üzrə dəqiqliyi 4 dəfə artırıb. PUA-lar süni intellekt vasitəsilə idarə olunur.