Entoni Blinkendən Qəzza ilə bağlı açıqlama

ABŞ yeni müharibələrin və böhranların yarana biləcəyindən ehtiyyat edərək önləyici tədbirlər görmək niyyətindədir.

Belə bir başlıqla “The Time of Israel” məlumat paylaşıb. Xəbərdə qeyd olunub ki, Bayden Qəzzada döyüşlərin intensivliyinin azaldığını yoxlamaq, İsrail və "Hizbullah" arasında müharibənin qarşısını almaq üçün dövlət katibini İsrailə göndərib.

Entoni Blinkeni ilk olaraq İsrail Prezidenti İshaq Hersoqla görüşüb. Söhbət zamanı Qəzzadakı son vəziyyət, blokadada qalan dinc sakinlərin aqibəti və əsirlikdə saxlanılan israillilərin tezliklə evlərinə qaytarılması məsələsi müzakirə edilib.

İsrail Prezidenti İshaq Hersoq İsrail-HƏMAS müharibəsi başlayandan bəri hadisələri yaxından izləyən Entoni Blinkenə öz təşəkkürünü bildirib: “HƏMAS-ın İsrailə hücumlarından sonra beşinci dəfədir ki, ölkəmizə rəsmi səfər edirsiniz. Buna görə sizə təşəkkür edirəm. Biz müharibənin tezliklə bitməsinə ümid edirik”.

Dövlət katibi Blinken isə öz növbəsində ABŞ-nin bundan sonra da İsraili dəstəkləyəcəyini, Fələstin xalqının tezliklə bu böhrandan və çətinliklərdən qurtulacağına ümid etdiyini bildirib:

“Ağ Ev girovları geri qaytarmaq üçün əlindən gələni edir. Biz Qəzzadakı insanları köçürmək üçün beynəlxalq hüququn bizə verdiyi bütün vasitələrdən istifadə edirik. Müharibənin yüzlərlə insana necə ziyan vurduğunu görmək, həlak olanların sayının günü-gündən artması bizi olduqca məyus edir”.

Dövlət katibi daha sonra İsrailin Baş naziri Benyamin Netanyahu ilə də görüşüb. O, burada Qəzzada baş verənlərə toxunaraq narahatlığını ifadə edib.

Blinkenin İsrail səfəri çərçivəsində həmçinin müdafiə naziri Yoav Qalant, müharibə kabineti naziri Benni Qantz, İsrail kəşfiyyat orqanlarının rəhbərləri, o cümlədən HƏMAS tərəfindən saxlanılan girovların ailələri ilə görüşəcəyi də gözlənilir.