Ermənistanda Paşinyanın iqamətgahı baryerlər ilə qorunur: Baş nazir nədən qorxur?
Ermənistanın Baş naziri Nikol Paşinyanın canına, necə deyərlər, birə düşüb.
Yerli mətbuatda yazılan məlumatlarda bildirilib ki, onun iqamətgahına çox sayda polis əməkdaşları cəlb olunub. Vəziyyət o dərəcəyə çatıb ki, polis bir neçə cərgədən ibarət baryer qurub. Buna səbəb isə sentyabrın 20-dən etibarən İrəvanda baş qaldıran etiraz aksiyalarıdır. Minlərlə insan paytaxtın Respublika meydanında toplaşaraq kütləvi etiraz aksiyasına başlayıblar. Etirazçılar Nikol Paşinyanın istefa verməsini tələb edir, ölkədə baş verən bütün hadisələrə görə məhz Baş naziri günahlandırırlar. “Nikol satqındır!” deyən nümayişçilər polisə müxtəlif əşyalar atır, hökumət əleyhinə şüarlar səsləndirirlər. Aksiyaçılar polis əməkdaşlarını və hökumət binasını yumurta, butulka və daş atəşinə tutublar. İğtişaşlar zamanı 50-dən çox insanın saxlanıldığı bildirilib.
Qeyd edək ki, Ermənistanda müxalifət nümayəndələri növbəti mitinqlərin keçiriləcəyi barədə də xəbərdarlıq ediblər. Onlar aksiyaların bir neçə gün davam edəcəyini bildiriblər.
![icon](/images/loading.png)