Ermənistandakı rusiyalılar Putinə yox, Bakıdakılar isə hə dedi

Prezident seçkisi ilə əlaqədar olaraq Kreml rəhbəri Vladimir Putinə ən çox səs verən xarici ölkələrin statistikası açıqlanıb.

Ölkənin Mərkəzi Seçki Komissiyasından verilən məlumata görə, ən yüksək göstərici Bakıda qeydə alınıb. Bildirilib ki, paytaxtda yaşayan rusiyalıların 77 %-i hazırkı ölkə başçısını dəstəkləyib. İkinci yerdə 73,78 faizlə Bişkek, 3-cü yerdə isə 57,95 faizlə Daşkənd qərarlaşıb.

Məlumat üçün bildirək ki, Vladimir Putin Ermənistanda seçki üçün yaradılan hər iki məntəqədə məğlub olub. İrəvandakı nəticələrə görə, Davankov 63 % səslə qalib gəlib. Putin isə 8 % səslə ikinci yerdə qərarlaşıb. Gümrüdə də oxşar vəziyyət elan edilib. Davankov 48 %-lə birinci, Putin 21 %-lə ikinci olub.