Əsgərlər faciəvi şəkildə öldü | Bu ölkə məşqləri dayandırdı

27 mart 2024 269 baxış

Polşa Müdafiə Nazirliyi Tatra dağlarında dağ təlimi zamanı xüsusi təyinatlı əsgərin həlak olması ilə əlaqədar ölkədə partlayıcı maddələr və hərbi texnikadan istifadə edilən bütün hərbi təlimlərin dayandırılması barədə əmr verib.

Bu barədə Polşa Müdafiə Nazirliyinin bəyanatında deyilir.

Nazirlik artıq araşdırmalara başlayıb. Tatra dağlarında baş verən insident martda keçirilən hərbi təlimlər zamanı ardıcıl beşinci ölümdür. Martın 5-də zirehli qüvvələrin təlim mərkəzinin poliqonunda döyüş maşınının vurulması nəticəsində iki əsgər həlak olub. Martın 25-də isə poliqonda trotilin partlaması nəticəsində iki istehkamçı həlak olub.

Polşa Müdafiə Nazirliyi aydınlaşdırıb ki, təlimlərin dayandırılması barədə sərəncam xarici missiya və əməliyyatlarda iştirak etməyə hazırlaşan strukturların həyata keçirdiyi fəaliyyətlərə, eləcə də Ukrayna əsgərlərinin təliminə təsir etməyəcək.

#Polşa