Fransada boş qazanlarla etiraz keçirilib
Fransada vətəndaşlar Paris küçələrinə boş qazanlarla çıxaraq Prezident Emmanuel Makronun ikinci müddətə ölkə başçısı seçilməsinin ildönümünü özünəməxsus şəkildə qeyd ediblər.
Etirazçılar meriyanın qarşısındakı meydana, eləcə də Paris Teatrının yaxınlığındakı əraziyə toplaşıblar. E.Makronun siyasətindən narazı olan vətəndaşlar “Makrona istefa!” şüarları səsləndiriblər.
Eyni zamanda etirazçılar işgüzar səfərdən qayıdan mədəniyyət nazirini də Lion vağzalında heç də xoş qarşılamayıblar. Nümayişçilər sürət qatarının qarşısını kəsdiyi üçün nazir blokadada qalıb. Daha sonra etirazçılar Paris küçələrində zibil qutularını aşıraraq yandırıblar.
Qeyd edək ki, E.Makrona qarşı Renn, Nant, Bordo, Marsel, Strasburq, Lill və Fransanın digər şəhərlərində də etiraz aksiyaları keçirilib. Polis etirazçıları gözyaşardıcı qazla dağıdıb.