Gürcüstandan Rusiyaya müntəzəm uçuşlar başlayır

Gürcüstanın “Georgian Airways” aviaşirkəti bu həftə Tbilisi-Moskva-Tbilisi müntəzəm uçuşlarına başlayır. Məlumatı Gürcüstanın Mülki Aviasiya Agentliyi yayıb.

Bildirilib ki, aviaşirkət mayın 20-dən etibarən həftədə 7 reys həyata keçirmək üçün Mülki Aviasiya Agentliyinə müraciət edib. Qeyd olunub ki, qurum uçuşların həyata keçirilməsi üçün aviaşirkətə zəruri icazəni mayın 16-da verib.

Məlumata görə, Rusiyanın “Iraero” aviaşirkəti isə Moskvadan Batumi və Tbilisi istiqamətlərində uçuşlar həyata keçirmək məqsədilə Rusiyanın Federal Hava Nəqliyyatı Agentliyinə müraciət edib. Aviaşirkət daha əvvəl Gürcüstana uçuşlar həyata keçirməyib.