HƏMAS-ın hərbi qanadının rəhbəri öldürülüb

İsrail Ordusu HAMAS hərəkatının hərbi qanadının rəhbəri İzzəddin əl-Həddadı öldürmək məqsədilə Qəzzada əməliyyat keçirib.

Bu barədə İsrailin müdafiə naziri İsrael Katz məlumat verib.

Onun sözlərinə görə, Əl-Həddad 2023-cü il oktyabrın 7-də Fələstin radikallarının İsrailə hücumunun təşkilatçılarından biri olub.

Bundan əlavə, o, ABŞ Prezidenti Donald Trampın iştirakı ilə HƏMAS-ın tərk-silah edilməsi və Qəzzə zolağının hərbisizləşdirilməsi barədə əldə olunmuş razılaşmanı icra etməkdən imtina edirdi.

"Bu, həyatımıza qəsd edən hər kəsə aydın bir mesajdır: gec-tez İsrail sizi tapacaq", – deyə Katz xəbərdarlıq edib.

İsrailin Baş naziri Binyamin Netanyahu isə ordunun hazırda Qəzza zolağı ərazisinin 60 faizinə nəzarət etdiyini açıqlayıb.

"Son iki ildə biz bütün dünyaya gücümüzü göstərdik. Bütün girovlarımızı son nəfərə qədər evə gətirdik. Bu gün biz Qəzza zolağının 60 faizinə nəzarət edirik", – deyə o bildirib.

ABŞ-nin vasitəçiliyi ilə İsrail və HƏMAS arasındakı razılaşmasının şərtlərinə əsasən, İsrail qoşunları Qəzzada "sarı xətt" adlanan ərazidən çəkilməli və Fələstin ərazisinin 50 faizindən çoxunu nəzarət altında saxlamalı idi. Netanyahunun açıqlaması isə İsrail Ordusunun daha geniş əraziyə nəzarət etdiyini göstərir.