Pleyeri seçin:
Əraqçi Xəlil əl-Həyya ilə telefonla danışıb
İran region xalqlarının, xüsusən Fələstin və Livanda İsrailin hücumlarına qarşı qanuni müqavimətini dəstəkləmək üzrə prinsipial siyasətini davam etdirəcək.
Bu barədə İranın xarici işlər naziri Abbas Əraqçi HƏMAS-ın Siyasi Bürosunun üzvü Xəlil Əl Hayya ilə telefon danışığında bildirib.
Əraqçi İranın bölgədə müharibəni dayandırmaq üzrə son tədbirləri barədə məlumat verib. Xəlil Əl Hayya isə Fələstində, xüsusən Qəzza zolağındakı son vəziyyət barədə Abbas Əraqçini məlumatlandırıb. O, Fələstinə hücumlar dayandırılana qədər müqavimət göstərəcəklərini diqqətə çatdırıb.
Xəlil Əl Hayya regionda bütün cəbhələrdə müharibənin eyni vaxtda dayandırılmasının zəruriliyini vurğulayan İranın ABŞ ilə danışıqlar üzrə nümayəndə heyətinin mövqeyinə görə minnətdarlığını bildirib.
Büro üzvü Fələstin xalqının qanuni mübarizəsinə göstərdiyi dəstəklə bağlı İslam Respublikasına təşəkkür edib.
Kopyalandı
Seçilmişlər
