Həbsxanaya oxşayan məktəblər, yoxa çıxan uşaqlar | Ən qədim müsəlman ölkəsi - ORALARDA NECƏDİR?

“Oralarda necədir?” rubrikasının yeni buraxılışında Bakıdan 1629 kilometr uzaqlıqda, Ölü dənizin sahilində yerləşən İordaniyadan bəhs olunub.

Müstəqilliyini 1946-cı ildə qazanan İordaniya qədim Petra şəhəri, Herakl məbədi, Əməvi sarayının xarabalıqları və gözəl çimərlikləri ilə məşhurdur.

Ölkənin paytaxtı Ammanda uşaqlar 6 yaşından məktəbə gedirlər. Məktəbdə şagirdlərin təhlükəsizliyi üçün hər yerdə dəmir barmaqlıqlar, tikanlı məftillər var.

Maraqlı məqamlardan biri isə odur ki, 6-cı sinifdən etibarən oğlanlar və qızlar ayrı-ayrı siniflərdə təhsil alırlar. İslam qayda-qanununa görə, bu, vacibdir.

Ammanda özəl məktəblər də var. Burada təhsil almaq və yaşamaq bir ilə 53 min dollara, bizim pulla 90 100 manata başa gəlir.

Bu şəhərdə qadınlar daha sərbəstdirlər. Onlar benzindoldurma məntəqəsində belə işləyə bilirlər. Hətta ailəli olsalar da. Bu cür işdə çalışaraq aya 700 dollar, yəni 1190 manat qazanırlar.

İordaniyada yaxşı yaşamaq üçün aya 2000-3000 dollar, bizim pulla 3400-5100 manat gəlir lazımdır. Bu ölkədə maaşlar elə də çox deyil. Pensiya yaşı isə 60-dan yuxarıdır. Aylıq təqaüd 560 dollar, yəni 952 manatdır.