İran və İsrail arasındakı gərginlik pik həddə

İsraildə İranın mümkün hücumuna cavab verə bilmək üçün bütün hərbi hazırlıq işləri tamamlanıb. Bu barədə yerli media məlumat yayıb.

Bildirilib ki, ölkənin müdafiə naziri Yoav Qalant İranın mümkün hücumu ilə bağlı xəbərlər fonunda İsrail Ordusunun Baş Qərargahının Kəşfiyyat İdarəsinin rəhbəri Aharon Haliva və əməliyyat qərargahının rəisi ilə vəziyyəti müzakirə edib.

Y.Qalant bildirib ki, ölkə İranın mümkün reaksiyası ilə bağlı istənilən ssenariyə hazırdır.

İranın dini lideri Əli Xameneinin hərbi müşaviri – Yəhya Rəhim Səfəvi isə bildirib ki, İsrail səfirliklərinin heç biri artıq təhlükəsiz deyil.