İranın sülh razılaşması üçün yenilənmiş planı ABŞ-yə təqdim edildi - Baku TV
İran Prezidenti Məsud Pezeşkian atəşkəs rejiminin pozulmasını eyni zamanda Lavan və Siri adalarına edilən hücumları qətiyyətlə pislədiyini bildirib.
Bu barədə o, "Telegram" kanalında paylaşım edib.
Prezident həmçinin İranın istənilən bütün hücumlara cavab verəcəyini və Yaxın Şərqdəki atəşkəsin regionda müharibənin başa çatması barədə danışıqlar üçün təməl ola biləcəyini əlavə edib.
Bu arada, Ağ Evin mətbuat katibi Kerolayn Levitt artıq İran tərəfinin sülh razılaşması üzrə danışıqlar üçün əsas götürülən və yenidən işlənmiş planı ABŞ-yə təqdim etdiyini bildirib. O həmçinin vurğulayıb ki, Vaşinqton Tehranla yalnız Hörmüz boğazının açıq olması şərtilə danışıqlar aparacaq.
Ağ Ev rəsmisi eyni zamanda danışıqlarda kimin iştirak edəcəyi barədə məlumat verib. Belə ki, danışıqlarda ABŞ vitse-prezidenti Cey Di Vens, Prezidentin xüsusi elçisi Stiv Uitkoff və sahibkar Cared Kuşner İslamabadda İran nümayəndə heyəti ilə danışıqlara yollanacaqlar.
K.Levittin sözlərinə görə, bu danışıqların ilk raundu şənbə günü, yerli vaxtla səhər saatlarında keçiriləcək.
#Məsud Pezeşkian teqi istifadə olunub
- İlham Əliyev və Məsud Pezeşkian arasındakı telefon danışığının detalları - Baku TV
- Azərbaycan və İran prezidentləri nələrdən danışdı? - Baku TV CANLI
- “Hizbullah”ın İsrailə raket zərbələri dünyaya səs saldı | Pezeşkiandan təcili mesaj - Baku TV
- Tehranın əsəs tələbi nədir? | ABŞ-İran müharibəsi bitir? - Baku TV
- Azərbaycandan İrana növbəti humanitar yardım yola salınır
