İslam dünyası İsrailə qarşı cəbhə açır? | "İran atəşkəsə inanmır və..."

“İsrail müsəlman ölkələrini zəiflətmək, onların arasında nifaq salmaq istəyir”.

Bu sözləri İran Prezidenti Məsud Pezeşkian İslam Respublikasında səfərdə olan Pakistanın daxili işlər naziri Seyyid Möhsün Nəqəvi ilə görüşdə deyib.

M.Pezeşkianın sözlərinə görə, İslam dünyasını parçalanmaqdan qorumaq üçün həmrəy olmaq lazımdır.

“Müsəlman ölkələri bu birliyin əhəmiyyətini dərk etsələr, İslam dünyası İsrailə qarşı vahid cəbhəyə çevrilər”, – deyən M.Pezeşkian İran-Pakistan ikitərəfli münasibətlərinin hazırkı səviyyəsindən məmnun olduğunu bildirib.

“İran atəşkəsə inanmır. Buna görə müxtəlif mümkün vəziyyətlərə görə ssenarilər hazırlanıb”.

Bunu isə İranın müdafiə naziri Əziz Nəsirzadə Türkiyə və malayziyalı həmkarları ilə görüşdə bildirib.

Türkiyənin müdafiə naziri Yaşar Gülər isə nüvə danışıqlarının İrana fayda verəcək formada tamamlanmasına ümid etdiyini qeyd edib.