İsrail nəzarəti ələ keçirir? | Qəzzada son vəziyyət

İsrail Müdafiə Ordusu Qəzza zolağının şimalında HƏMAS hərbi qruplaşmasının 12 batalyonunu məhv edib.

Bu barədə ölkənin müdafiə naziri Yoav Qalant Fələstin anklavına səfəri zamanı məlumat verib.

“Ərazidə fəaliyyət göstərən 15-18 min əsgərdən cəmi bir neçə mini orada qalıb. Döyüşçülərin böyük əksəriyyəti məhv edilib, onlardan bəziləri isə cənuba qaçıb. Qəzzada atəş gücü, manevrlər, xüsusi əməliyyatların izi ilə hərəkət edəcəyik və lazım gələrsə, bu ərazini bir müddət nəzarətdə saxlayacağıq”, – deyə o bildirib.

Nazirin sözlərinə görə, İsrail Ordusunun məqsədi HƏMAS qruplaşmasının üzvlərini tamamilə məhv etməkdir. Yoav Qalant hesab edir ki, o, bu istəyinə də tezliklə nail olacaq.