Rusiyada dəhşətli partlayış | Yaralananlar var

Rusiyanın Sankt-Peterburq şəhərində Hərbi Rabitə Akademiyasında partlayış baş verib.

Bu barədə Leninqrad Hərbi Dairəsinin mətbuat xidmətindən bildirilib.

Qeyd edilir ki, hadisə akademiyanın zirzəmilərindən birinin təmizlənməsi zamanı baş verib. Məlumata görə, İkinci Dünya müharibəsinə aid sursat partlayıb.

Partlayış nəticəsində 7 hərbçi yaralanıb. Zərərçəkənlərin hamısı Rusiya Müdafiə Nazirliyinin Tibb Müəssisəsinə aparılıb və onlara tibbi yardım göstərilib.

Leninqrad Hərbi Dairəsi komandanlığının nümayəndələri hadisənin başvermə səbəbini və şəraitini aydınlaşdırmaq üçün əraziyə gəliblər.

Rusiya Müdafiə Nazirliyinin tabeliyindəki Rabitə Akademiyasında baş verən hadisənin terror xarakteri daşımadığı bildirilib.